Könnun mánaðarins

Hvað af eftirfarandi hræðist þú mest?
 

Vissir þú að ...

Mikil streita á vinnustað getur tvöfaldað líkur á því að deyja af völdum hjartasjúkdóma.
Þunglyndi

Flest okkar finnum við fyrir tilfinningum eins og leiða, depurð, vonbrigði o.s.frv. í einhverju mæli í lífi okkar. Upplifun tilfinninga sem þessara í litlu mæli telst eðlileg og tilfinningar af þessu tagi teljast einnig til eðlilegra viðbragða við erfiðum atburðum í lífinu. Þegar einkenni þunglyndis eru tíðari og meiri, getur verið um þunglyndi að ræða. Þegar um klínískt þunglyndi er að ræða gengur fólki almennt illa að takast á við vandamálið án hjálpar. Þunglyndi hefur neikvæð áhrif á vinnuna, sambönd og jafnvel grunnþarfir okkar eins og matarlyst og svefn. Í alvarlegustu tilvikunum íhugar fólk að taka sitt eigið líf.

Einkenni þunglyndis eru margvísleg og einstaklingsbundið er hvaða einkenni koma fram hjá hverjum og einum. Helstu einkenni eru:

  • Depurð, vonleysi og hjálparleysi
  • Tárast títt og auðveldlega
  • Minni ánægja með lífið, nýtur ekki lífsins
  • Minni áhugi á athöfnum og áhugamálum sem áður veittu ánægju
  • Svefntruflanir og sofið mikið
  • Minnkuð eða aukin matarlyst
  • Vanmáttarkennd og sektarkennd
  • Þreyta eða slen
  • Kvíði eða pirringur
  • Hæg hugsun
  • Minni áhugi á kynlífi
  • Ofurviðkvæmni
  • Slök einbeiting, minni og áhugahvöt
  • Miklar líkamlegar umkvartanir
  • Sjálfsvígshugsanir
Sálfræðingar Heilsustöðvarinnar veita hugræna atferlismeðferð við þunglyndi. Meðferðin er gagnreynd og hefur samkvæmt rannsóknum reynst árangursrík við að draga úr þunglyndi.