Könnun mánaðarins

Hvað af eftirfarandi hræðist þú mest?
 

Vissir þú að ...

Á grundvell rannsókna á hollri hreyfingu ráðleggja heilbrigðisyfirvöld fullorðnu fólki að stunda líkamlega hreyfingu í hálfa til eina klukkustund daglega.
Eðlilegt mataræði Skoða sem PDF skjal Prenta út Senda hlekk á þessa síðu til vinar
Einkunn notenda: / 0
LélegGóð 
föstudagur, 16.nóvember 2012

Hvað er eðlilegt mataræði?

  • Eðlilegt mataræði einkennist af reglulegum matarvenjum, venjulega þremur máltíðum og þremur millibitum. Að mestu stjórnað af innri merkjum um svengd, matarlyst og seddu

Á hvern hátt stuðlar það að góðri heilsu og vellíðan?

  • Eðlilegt mataræði styrkir tilfinningar okkar um vellíðan.  Við borðum til að fá orku og halda heilsu, einnig okkur til ánægju og í félagslegum aðstæðum ; eftir á líður okkur vel
  • Eðlilegt mataræði þýðir að það sem við veljum er fjölbreytt, í hófi og í jafnvægi
  • Eðlilegt mataræði stuðlar að skýrri hugsun og tilfinningalegu jafnvægi.   Það ýtir undir heilbrigð tengsl  innan fjölskyldunnar, á  vinnustað, í skóla og samfélaginu í heild sinni. Einungis litlum hluta dagsins (etv  10 – 15 %) er eytt í hugsanir um mat, svengd eða þyngd
  • Eðlilegt mataræði styður góða heilsu (heilbrigði) og orku, einnig  heilbrigðan vöxt og þroska barna. Það stuðlar að þyngdarjafnvægi, á stóru bili, sem endurspeglar bæði erfða- og umhverfisþætti

Á hvern hátt er það frábrugðið óeðlilegu mataræði?

  • Óeðlilegt eða raskað átmunstur er óreglulegt og óreiðukennt  (föstur, átköst, megrun, máltíðum sleppt),  en getur einnig þýtt viðvarandi ofát eða vanát;  meira eða minna en líkaminn vill eða þarf.  Í stað þess að líða betur eftir máltíð, er líklegra að viðkomandi líði verr
  • Einkenni eins og þreyta, pirringur, skapsveiflur, alltaf kalt, erfiðleikar með einbeitingu og aukin upptekni af eigin líðan eru algeng.  Hugsanir um mat, svengd og líkamsþyngd yfirtaka 20-65% dagsins, eða meira.  Möguleg heilsufarsvandamál eru mismunandi og háð eðli röskunarinnar. Ójafnvægið eykur hættu á átröskun

Hvernig geta foreldrar stuðlað að eðlilegu mataræði?

  • Boðið uppá fjölbreyttan og næringarríkan mat með reglulegu millibili – ákveðnar máltíðir og millibitar
  • Hjálpað barninu að þekkja tilfinningarnar „svangur“ og „saddur“
  • Veitt gott fordæmi um eðlilegt, heilbrigt mataræði og lífsstíl
  • Haft eftirfarandi í huga:
    • Foreldrar ráða hvað er í boði, hvenær  og hvernig maturinn er framreiddur
    • Börnin ráða hversu mikið þau borða og jafnvel  (undir eðlilegum kringumstæðum) hvort þau borða – en þá er að öllu jöfnu ekkert annað í boði


Heiðdís Sigurðardóttir, sálfræðingur